Divorcio Awor Aruba

Procedura

Durante e proceso nos lo controla si tur e informacion duna ta corecto pa asina proteha e interes di ambos partido. Bo(so) cooperacion durante e proceso ta necesario. Si durante e proceso bin un differencia di opinion cu no por wordo soluciona partidonan lo wordo referi na dos differente bufete di abogado pa asistencia of un mediador.

  1. Yena e intakeformulier y mande pa nos
  2. Haci un transferencia bancario pa e suma cu ta coresponde cu bo caso mencionando e number di partidonan of pasa paga esaki personalmente.
  3. Busca for di censo y trece pa nos: (i) bo(so) prueba di inscripcion na censo e asina yama papel di Awg.5.00); (ii) prueba di inscripcion di bo(so) junan; y (iii) bo(so) prueba di inscripcion di matrimonio. Tipicamente esaki ta sali Awg. 20.00 sin conta kada uitreksel di cada yui, cu ta costa Awg. 5.00 pa cada un. E gastonan menciona den 3 no ta inclui den e tarifa di DivorcioAwor.
  4. Dentro di 2 dia cu e pago y e documentonan di censo wordo ricibi nos lo manda via e-mail e concepto di e peticion pa esaki wordo verifica y aproba
  5. Promer cu nos entrega e peticion bo(so) of un di bo(so) mester pasa personalmente cu un paspoort, cedula of rijbewijs pa nos por verifica bo(so) identidad y pa cumpli cu requisitonan di ley pa cu identificacion di cliente. Esaki por wordo combina cu e entrega di e papelnan di censo.
  6. Dentro di 2 dia cu nos ricibi e aprobacion di bo(so) nos lo entrega e peticion na corte y paga e gastonan di corte ("griffierecht") cu ta Awg. 50.00 mas Awg. 12.00 na stampia (zegels)
  7. Un kopia di e documento original lo wordo manda via e-mail cu e stempel di corte
  8. Nos lo informabo e fecha di e tratamento di e caso. No ta necessario pa bo(so) mes ta presente na corte pa tratamento di e caso.
  9. Una vez corte pronuncia e divorcio nos lo informa bo(so) esaki via e-mail
  10. Corte lo duna nos e sentencia por escrito normalmente 3 luna despues di pronunciacion di e caso. Ora nos hanja esaki nos lo informa bo(so) di esaki pa asina bo(so) bai censo y inscribi e divorcio. Tene cuenta cu si 6 luna pasa y bo no inscribi e divorcio e sentencia ta perde su validez y bo(so) ta keda casa.