Preguntanan
Q1. Ken ta duna e servicio aki?
A1. Esaki ta un servicio di e bufete Gomez & Bikker
Q2. Mi mester bai corte personalmente?
A2. Haciendo uso di e servicio aki bo(so) no mester bai corte personalmente.
Q3. Cuanto tempo e proceso ta dura?
A3. Normalmente e proceso ta wordo completa den 2 pa 3 luna. Esaki por varia den caso cu corte tin vakantie
Q4. Kiko mi mester haci despues di hanja e sentencia?
A4. Bo mester registra esaki na censo dentro di 6 luna si no e divorcio ta perde valides y bo(so) ta keda casa
Q5: Unda e yui(nan) ta keda biba despues di e divorcio?
A5: Partidonan por yega na un acuerdo serca cual mayornan e yui(nan) ta keda biba. Huez lo hinca e desicion aki den e sentencia di divorcio. Si partidonan no ta di acuerdo hues lo tuma un desicion riba esaki. Den esaki e bienestar di e yui(nan) ta hunga un rol serca e huez ora di tuma e desicion.
Q6: Nos por regla e relacion y derecho di bishita ("omgang") pa cu nos yui(nan)?
A6: Partidonan por yega na un acuerdo riba e dianan y oranan di bishita di e yui(nan) y repartishon di responsabilidad pa cu e yui(nan). Si esaki ta e caso huez por hinca esaki den e sentencia di divorcio. Den esaki e bienestar di e yui(nan) ta hunga un rol serca e huez ora di tuma e desicion.
Q7: Nos por regla alimentatie pa cu nos yui(nan)?
A7: Esaki tambe partidonan por yega na un acuerdo riba dje. Mayornan por disidi hunto kico ta e suma di alimentacion cu lo wordo paga. Si esaki ta e caso huez por hinca esaki den e sentencia di divorcio. Si partidonan no ta di acuerdo hues lo dicidi ariba esaki.
Q8: Nos por regla alimentatie di nos mes como pareha?
A8: E pareha cu kier divorcia por yega na un acuerdo riba e suma di alimentación cu un pareha lo kier paga na e otro pareha. Si esaki ta e caso huez por hinca esaki den e sentencia di divorcio. Si partidonan no ta di acuerdo huez lo dicidi ariba esaki.
Q9: Nos por regla reparticion di bienes?
A9: Esaki tambe partidonan por yega na un acuerdo riba dje. Si esaki ta e caso huez por hinca esaki den e sentencia di divorcio. Si partidonan no ta di acuerdo huez lo dicidi ariba esaki.
Q10: Si nos no ta di acuerdo ariba e puntonan menciona den Q5 te cu Q9 con nos ta haci?
A10: Den un caso asina DivorcioAwor no ta e servicio indica. Ta consehabel pa bo(so) busca un abogado pa asina informa y guia bo(so) cu e proceso.
Q11. Cuanto un abogado ta cobra pa informa y guia den un proceso di divorcio?
A.11 Tarifanan ta wordo stipula entre partidonan y por varia. Pa mas informacion click aki of consulta e website di Orde di Abogado di Aruba www.ova.aw of contact bo abogado pa mas informacion